கோவிட்-19 பெருந்தொற்றுக் காரணமாக இதுவரை இந்தியாவில் 11ஆயிரத்திற்கும் அதிகமானோர் பாதிக்கப்பட்டும், 300க்கும் மேற்பட்டோர் உயிரிழந்தும் உள்ளனர். இதனால் ஏப்ரல் 14ஆம் தேதியுடன் முடிவடைய இருந்த ஊரடங்கு உத்தரவை, மே 3ஆம் தேதிவரை நீட்டிப்பதாக மத்திய அரசு அறிவித்துள்ளது.
இந்நிலையில், ஐபிஎல் டி20 தொடரின் 13ஆவது சீசன் இந்தாண்டு மார்ச் 29ஆம் தேதி நடைபெறுவதாக இருந்தது. ஆனால் கரோனா வைரஸ் பாதிப்பு காரணமாக இத்தொடர் ஏப்ரல் 15ஆம் தேதிக்கு ஒத்திவைக்கப்பட்டிருந்தது.
ஆனால், அதிகரித்துவரும் வைரஸ் பாதிப்பைக் கட்டுப்படுத்துவதற்காக ஊரடங்கு உத்தரவை மே 3ஆம் தேதி வரை நீட்டிக்கப்படுவதாக பிரதமர் மோடி அறிவித்தார். இதைத்தொடர்ந்து ஐபிஎல் தொடரை கலவரையின்றி ஒத்திவைப்பதாக பிசிசிஐ தரப்பிலிருந்து தகவல் வெளியாகியுள்ளது.