ஐபிஎல் ஏலம், டெல்லி கேப்பிட்டல்ஸ் அணி ஆகியவை குறித்து முன்னாள் இந்திய கிரிக்கெட் வீரர் சஞ்சய் பங்கர் தன்னுடைய கருத்துகளைத் தெரிவித்துள்ளார். அவர் கூறிய கருத்துகள் பின்வருமாறு:
ஐபிஎல் தொடருக்காக வீரர்களை ஏலம் எடுக்கும் போது ஒவ்வொரு அணிக்கும் நிச்சயம் அதிர்ஷ்டம் இருக்க வேண்டும். ஏனென்றால் ஒரு அணி ஏலம் எடுக்க விரும்பிய வீரரை இன்னொரு அணியும் விரும்பினால் அதிக பணம் செலவளிக்க வேண்டும். ஒரு அணி நிர்வாகம் வீரர் ஒருவரை விடுவித்தாலும் அதற்கு இணையான மற்றொரு வீரரை ஏலம் எடுக்கும் வியூகத்தை அமைத்திருப்பார்கள்.
ஏலத்தில் விரும்பிய வீரரை எடுக்க முடியாமல் போனாலும் தொடரின் நடுவே டிரான்ஸ்பர் முறையில் அவ்வீரரை உங்களால் வாங்க முடியும். அப்போது நிலைமை உங்கள் கைகளில் இருக்கும் என்பதைப் புரிந்துகொண்டு ஏலத்தில் ஈடுபட வேண்டும்.