இந்தியாவில் சுற்றுப்பயணம் செய்துவரும் இங்கிலாந்து அணி, 4 டெஸ்ட், 5 டி20, 3 ஒருநாள் போட்டிகள் கொண்டத் தொடரில் விளையாடிவருகிறது. முன்னதாக நடைபெற்ற டெஸ்ட் தொடரில் இந்திய அணி 3-1 என்ற கணக்கில் இங்கிலாந்தை வீழ்த்தி தொடரைக் கைப்பற்றியது.
இந்நிலையில், இரு அணிகளுக்கும் இடையேயான முதலாவது டி20 போட்டி இன்று (மார்ச் 12) அகமதாபாத்திலுள்ள நரேந்திர மோடி மைதானத்தில் நடைபெறுகிறது. இப்போட்டியில் டாஸ் வென்ற இங்கிலாந்து அணி கேப்டன் ஈயன் மோர்கன் முதலில் பந்துவீசத் தீர்மானித்துள்ளார்.
இப்போட்டியில் இந்திய அணியின் துணைக்கேப்டன் ரோஹித் சர்மாவிற்கு ஓய்வளிக்கப்பட்டுள்ளது. அதேபோல் காயத்திலிருந்து மீண்டுள்ள வேகப்பந்துவீச்சாளர் புவனேஷ்வர் குமாருக்கும் அணியின் பிளேயிங் லெவனில் இடம்கிடைத்துள்ளது.