இங்கிலாந்தில் சுற்றுப்பயணம் மேற்கொண்டுள்ள ஆஸ்திரேலிய அணி தற்போது டி20 தொடரில் விளையாடிவருகிறது. இவ்விரு அணிகளுக்கும் இடையிலான இரண்டாவது டி20 போட்டி நேற்று (செப்.06) சவுதாம்டன் நகரில் நடைபெற்றது. இப்போட்டியில் டாஸ் வென்ற ஆஸ்திரேலிய அணியின் கேப்டன் ஆரோன் ஃபிஞ்ச் பேட்டிங்கைத் தேர்வுசெய்தார்.
இதைத்தொடர்ந்து களமிறங்கிய ஆஸ்திரேலிய அணிக்கு ஆரம்பத்திலேயே அதிர்ச்சியளிக்கும் வகையில் டேவிட் வார்னர், அலெக்ஸ் கேரி, ஸ்டீவ் ஸ்மித் ஆகியோர் சொற்ப ரன்களில் ஆட்டமிழந்து பெவிலியன் திரும்பினர்.
பின்னர் ஃபிஞ்சுடன் ஜோடி சேர்ந்த மார்கஸ் ஸ்டொய்னிஸ் சிறப்பாக விளையாடி அணியின் ஸ்கோர் கணக்கை உயர்த்தினார். இதன்மூலம் ஆஸ்திரேலிய அணி 20 ஓவர்கள் முடிவில் ஏழு விக்கெட்டுகளை இழந்து, 157 ரன்களை எடுத்தது. அந்த அணியில் அதிகபட்சமாக ஆரோன் ஃபிஞ்ச் 40 ரன்களையும், மார்கஸ் ஸ்டொய்னிஸ் 35 ரன்களை எடுத்தனர்.