பேட்மிண்டன்: சாம்பியன் பட்டத்தை நழுவவிட்ட ஸ்ரீகாந்த்!

டெல்லி: இந்திய ஓபன் பேட்மிண்டன் தொடரின், ஆடவருக்கான ஒற்றையர் பிரிவு இறுதிப் போட்டியில் இந்திய வீரர் கிதாம்பி ஸ்ரீகாந்த், டென்மார்கின் விக்டர் அக்செல்சென்னிடம் தோல்வி அடைந்தார்.

2019ஆம் ஆண்டுக்கான இந்திய ஓபன் பேட்மிண்டன் தொடர் டெல்லியில் நடைபெற்றது. இதில், நேற்று நடைபெற்ற ஆடவருக்கான ஒற்றையர் பிரிவு இறுதி சுற்றில், இந்திய வீரர் கிதாம்பி ஸ்ரீகாந்த், டென்மார்க் நாட்டை சேர்ந்த விக்டர் அக்செல்சென்னை எதிர்கொண்டார்.

இறுதிச் சுற்றில் இந்திய வீரர் கிதாம்பி ஸ்ரீகாந்த், தோல்வி

முதல் செட்டில், மிகவும் தடுமாற்றமான ஆட்டத்தை வெளிப்படுத்திய ஸ்ரீகாந்த் 7-21 என்ற கணக்கில் அந்த செட்டை பறிகொடுத்தார். இதைத்தொடர்ந்து, நடைபெற்ற இரண்டாவது செட்டில் ஸ்ரீகாந்த் 20-22 என்ற கணக்கில் போராடி தோல்வி அடைந்தார். இதன் மூலம், விக்டர் அக்செல்சென் 21-7, 22-20 என்ற நேர் செட் கணக்கில் ஸ்ரீகாந்தை வீழ்த்தி சாம்பியன் பட்டத்தை வென்றார்.