தாய்லாந்து ஓபன்: காலியிறுதிக்கு முன்னேறிய சமீர் வெர்மா!

தாய்லாந்து ஓபன் பேட்மிண்டன் தொடரின் ஆடவர் ஒற்றியர் பிரிவு காலிறுதிச்சுற்றுக்கு இந்தியாவின் சமீர் வெர்மா முன்னேறியுள்ளார்.

தாய்லாந்து ஓபன் பேட்மிண்டன் தொடர் தற்போது இறுதிகட்டத்தை எட்டியுள்ளது. இதில் இன்று (ஜன.21) நடைபெற்ற ஆடவர் ஒற்றையர் பிரிவு காலிறுதிக்கு முந்தைய சுற்று போட்டியில் இந்தியாவின் சமீர் வெர்மா - டென்மார்க்கின் ராஸ்மஸ் ஜெம்கேவை எதிர்கொண்டார்.

பெரும் எதிர்பார்ப்புடன் நடைபெற்ற இப்போட்டியில் இந்தியாவின் சமீர் வெர்மா தனது அபார ஆட்டத்தை வெளிப்படுத்தி முதல் செட்டை 21 - 12 என்ற கணக்கிலும், இரண்டாவது செட்டை 21-09 என்ற கணக்கிலும் கைப்பற்றி ராஸ்மஸுக்கு அதிர்ச்சியளித்தார்.

இதன் மூலம் சமீர் வெர்மா 21-12, 21-09 என்ற நேர் செட் கணக்கில் டென்மார்க்கின் ராஸ்மஸ் ஜெம்கோவை வீழ்த்தி தாய்லாந்து ஓபன் பேட்மிண்டன் தொடரின் ஆடவர் ஒற்றையர் பிர்வு காலிறுதிச்சுற்றுக்கு முன்னேறி அசத்தியுள்ளார்.

இதையும் படிங்க:IND vs ENG: சென்னை டெஸ்ட்டில் பார்வையாளர்களுக்கு அனுமதியில்லை