தாய்லாந்து ஓபன்: அரையிறுதியில் ரங்கிரெட்டி, சிராக் ஷெட்டி!

தாய்லாந்து ஓபன் பேட்மிண்டன் தொடரின் ஆடவர் இரட்டையர் பிரிவில் இந்தியாவின் சத்விக்சாய்ராஜ் ரங்கிரெட்டி, சிராக் ஷெட்டி இணை அரையிறுதி சுற்றுக்கு முன்னேறி அசத்தியுள்ளது.

தாய்லாந்து ஓபன் பேட்மிண்டன் தொடர் பாங்காக்கில் நடைபெற்று வருகிறது. இதில் நேற்று (ஜன.22) நடைபெற்ற ஆடவர் இரட்டையர் பிரிவு காலிறுத்திச்சுற்றில் இந்தியாவின் சத்விக்சாய்ராஜ் ரங்கிரெட்டி, சிராக் ஷெட்டி இணை - மலேசியாவின் ஆங் யூ சின், டீயோ ஈ யி இணையுடன் மோதியது.

பரபரப்புடன் நடைபெற்ற இப்போட்டியில் ரங்கிரெட்டி இணை 21-18, 24-22 என்ற நேர் செட் கணக்கில் மலேசிய இணையை வீழ்த்தி வெற்றி பெற்றது.

இதன் மூலம் தாய்லாந்து ஓபன் பேட்மிண்டன் தொடரின் ஆடவர் இரட்டையர் பிரிவில் இந்தியாவின் சத்விக்சாய்ராஜ் ரங்கிரெட்டி, சிராக் ஷெட்டி இணை அரையிறுதி சுற்றுக்கு முன்னேறி அசத்தியுள்ளது.

இதையும் படிங்க: ஐபிஎல் ஏலம் எப்போது தெரியுமா?