சக்தி...சக்தி...சக்திமான் ஒளிப்பரப்பாகும் நேரத்தை அறிவித்த மத்திய அரசு!

தூர்தர்ஷன் தொலைக்காட்சியில் மீண்டும் 'சக்திமான்' தொடர் ஒளிப்பரப்பாகும் நேரத்தை மத்திய அரசு அறிவித்துள்ளது.

90’ஸ் கிட்ஸ்களுக்கு மிகவும் பிடித்தமான தொலைக்காட்சி தொடர் எதுவென்று கேட்டால் அனைவரும், சற்றும் யோசிக்காமல் சொல்லும் பெயர் 'சக்திமான்'. சூப்பர் மேன், ஸ்பைடர் மேன் என்று எத்தனை ஹீரோக்கள் வந்தாலும் அவர்களின் ஆல்டைம் ஃபேவரைட் 'சக்திமான்'.

சாதாரண மனிதராக இருக்கும் சக்திமான், அந்த ஊரில் தவறு நடக்கும்போது சக்திமானாக மாறி மக்களை காப்பாற்றுவார். இவரைப்பார்த்து வளர்ந்த நாமும், ஒரு நாளாவது சக்திமான் போல் மாற வேண்டும் என்ற ஆசை இருந்திருக்கும். அந்த அளவிற்கு இந்தத் தொடர் ரசிகர்கள் மனதில் இடம்பிடித்துள்ளது.

தூர்தர்ஷன் தொலைக்காட்சியில் கடந்த 1997ஆம் ஆண்டு ஒளிபரப்பாகிய, இந்தத் தொடரை மிண்டும் ஒளிப்பரப்ப வேண்டும் என்று சக்திமான் ரசிகர்கள் கோரிக்கை வைத்தனர். அக்கோரிக்கையை ஏற்று, மீண்டும் அத்தொலைக்காட்சி சக்திமான் தொடரை ஒளிப்பரப்ப முடிவு செய்துள்ளது. அதன்படி, ஏப்ரல் மாதத்தில் இருந்து தினமும் மதியம் 1 மணிக்கு சக்திமான் தொடர் ஒளிபரப்பாகும் என மத்திய அரசு அறிவித்துள்ளது.

தேசிய ஊரடங்கு உத்தரவால் டிடி நேஷனில் ஏற்கனவே ராமாயணம், மகாபாரதம் ஆகிய புராணத் தொடர்கள் ஒளிப்பரப்பாகிவருகின்றன என்பது குறிப்பிடத்தக்கது.

இதையும் படிங்க: மக்களின் பேராதரவுடன் மீண்டும் ஒளிபரப்பாகிய ராமாயணம்!