மும்பை: ஆப்பிள் டிவிக்காக புதிய வெப்ஸ்சீரிஸ் தொடர் ஒன்றில் நடிகை ராதிகா ஆப்தே ஒப்பந்தமாகியுள்ளார்.
தமிழில் தோனி, வெற்றிச்செல்வன் உள்ளிட்ட படங்களில் நடித்த ராதிகா ஆப்தே 'கபாலி' படம் மூலம் பிரபலமானார். இதைத்தொடர்ந்து ஹிந்தியில் வெளியான 'பார்ச்ட்' என்ற படத்தில் அரை நிர்வாணமாக நடித்து சர்ச்சையைக் கிளப்பினார்.
சமீபத்தில் இவரது படுக்கையறை காட்சி ஒன்று இணையத்தில் வெளியாகி வைரலானது. இதையடுத்து பல்வேறு சர்ச்சைகளால் சுழண்டுகொண்டிருக்கும் ராதிகா ஆப்தே சேகர்டு கேம்ஸ், கெளல் உள்ளிட்ட வெப்சீரிஸிலும் நடித்து வருகிறார்.
இந்த நிலையில், ஆஸ்திரேலியாவைச் சேர்ந்து எழுத்தாளர் கிரிகோரி டேவிட் ராபர்ட்ஸ் எழுதிய 'சாந்தாரம்' என்ற நாவலை அடிப்படையாகக் கொண்டு அதே பெயரில் தயாராகவிருக்கும் வெப்சீரிஸில் ராதிகா ஆப்தே நடிக்கவுள்ளார்.
இதையடுத்து 'மிஷன் இம்பாசிபிள் 2' உள்ளிட்ட பல படங்களில் நடித்த ஹாலிவுட் நடிகர் ரிச்சர்ட் ராக்ஸ்பர்க் முக்கிய கேரக்டரில் நடிக்கவுள்ளார்.
ஆப்பிள் டிவியில் ஒளிபரப்பாகவிருக்கும் இந்தத் தொடர், ஆஸ்திரேலியா சிறையிலிருந்து தப்பிக்கும் ஒருவன் இந்தியாவில் மும்பை நகருக்கு வந்தடைகிறான். அங்கு புதிய வாழ்க்கையை வாழ்ந்து வரும் அவனை தேடிப் பிடிக்கும் போலீஸ் கதாபாத்திரத்தில் வருகிறார் ஹாலிவுட் நடிகர் ரிச்சர்ட் ராக்ஸ்பர்க்.
மேலும், கவிதா என்ற பெயரில் பத்திரிகையாளராக வரவிருக்கிறார் ராதிகா ஆப்தே.
