சென்னை : பொதுமுடக்கத்திற்கு பிறகு பெரிய பட்ஜெட் திரைப்படங்கள் வெளியாகாத நிலையில் கிச்சா சுதீப் நடிக்கும் "விக்ராந்த் ரோணா" படம் விரைவில் திரைக்கு வருகிறது.
படக்குழுவிடமிருந்து வரும் ஒவ்வொரு அறிவிப்பும், படத்தின் மீது ரசிகர்களின் எதிர்பார்ப்பை அதிகரித்துள்ளது. ரசிகர்களை மகிழ்விக்கும் வகையில் சுதீப்பின் பிறந்தநாள் அன்று படக்குழு வெளியிட்ட முன்னோட்டம் மிகுந்த வரவேற்பை பெற்றுள்ளது.
கிச்சா சுதீப், ஸ்டைல் மற்றும் மாஸ் நிறைந்த காட்சிகள் மூலம் விக்ராந்த் ரோணா “ இருளின் கடவுள்” என கதை சொல்லப்படுகிறது.
‘The Deadman’s Anthem’ எனப் பொருத்தமான பெயருடன் வெளியான முன்னோட்டம், படத்தின் மீதான எதிர்பார்ப்பை பெருமளவில் அதிகரித்துள்ளது.
இது குறித்து திரைபடத்தின் இயக்குனர் அனூப் பண்டாரி கூறுகையில், “விக்ராந்த் ரோணாவின் ‘Deadman’s Anthem’ முன்னோட்டத்தின் மூலம், கிச்சா சுதீப் பிறந்த நாளை கொண்டாடியதில், எங்களுக்கு பெருமகிழ்ச்சி.
விக்ராந்த் ரோணா ஒரு மர்மம் நிறைந்த கதாபாத்திரம் என்பது முன்னோட்டத்தின் வாயிலாக அனைவருக்கும் தெரிந்திருக்கும்.