’தடுப்பூசி கண்டுபிடிச்சா எவ்ளோ நல்லா இருக்கும்’- விஜய் சேதுபதி உருக்கம்!

சென்னை: பசிக்கு தடுப்பூசி கண்டுபிடித்தால், எவ்ளோ நல்லா இருக்கும் என்று விஜய் சேதுபதி தனது ட்விட்டர் பக்கத்தில் உருக்கமான பதிவு ஒன்று வெளியிட்டுள்ளார்.

நாடு முழுவதும் பரவியுள்ள கரோனா வைரஸ் காரணமாக, ஊரடங்கு பிறப்பிக்கப்பட்டுள்ளது. இதனால் பல்வேறு துறைகள் நஷ்டமடைந்துள்ளன. அதிலும் குறிப்பாக தினக்கூலி தொழிலாளர்கள் வருமானம் இல்லாத காரணத்தினால் பட்டினியில் சிக்கி தவித்து வருகின்றனர்.

இந்நிலையில் இதுகுறித்து நடிகர் விஜய் சேதுபதி தனது ட்விட்டர் பக்கத்தில் பதிவு ஒன்று வெளியிட்டுள்ளார். அதில், “பசி என்றொரு நோய் இருக்கு. அதுக்கு ஒரு தடுப்பூசி கண்டுபிடிச்சா எவ்ளோ நல்லா இருக்கும். ஓ மை கடவுளே” என்று பதிவிட்டுள்ளார். விஜய் சேதுபதியின் இந்த உருக்கமான பதிவு தற்போது சமூக வலைத்தளங்களில் வைரலாகி வருகிறது.

இதையும் படிங்க:ராகவா லாரன்ஸ் வீட்டு முன்பு குவிந்த 20 நபர்கள்; நடந்தது என்ன?