இயக்குநர் அஸ்வத் மாரிமுத்து இயக்கத்தில் நடிகர் அசோக் செல்வன், 'இறுதிச்சுற்று' நாயகி ரித்திகா சிங் நடிப்பில் உருவாகி இருக்கும் திரைப்படம் 'ஓ மை கடவுளே (Oh My கடவுளே)'. ஆக்ஸஸ் ஃபிலிம் பேக்டரி நிறுவனம் தயாரித்துள்ள இப்படத்துக்கு லியோன் ஜேம்ஸ் இசையமைத்துள்ளார். ரொமான்டிக் காமெடி திரைப்படமாக உருவாகியுள்ள இப்படத்தில் சின்னத்திரையில் பிரபலமான வாணி போஜனும் நடித்திருக்கிறார்.
ரசிகர்கள் மத்தியில் அதிக எதிர்பார்ப்பை ஏற்படுத்தியிருக்கும் இத்திரைப்படத்தின் டீசர் இன்று வெளியிடப்பட்டது. அந்த டீசரில் அனைவருக்கும் சர்ப்ரைஸ் அளிக்கும் விதமாக மக்கள் செல்வன் விஜய் சேதுபதி நடித்திருப்பது தெரியவந்தது.
அவர் இப்படத்தில் ஒரு சிறப்பு தோற்றத்தில் நடித்திருப்பதாக இயக்குநர் அஸ்வத் மாரிமுத்து கூறியுள்ளார். இது குறித்து பேசிய இயக்குநர் அஸ்வத் மாரிமுத்து, இப்படத்தின் திரைக்கதை முடிக்கப்பட்டு முக்கிய நடிகர்களின் தேர்வுகள் முடிந்த பிறகு விஜய் சேதுபதி நடித்துள்ள இந்தப் கதாபாத்திரத்தில் நடிப்பதற்கு ஏற்ற ஒருவரை தேடினோம். அந்த நடிகர் மிகப்பிரபலமாவும் அதே நேரம், கேரக்டரில் எளிமையை நிஜத்தை பிரதிபலிக்க வேண்டும் என எண்ணினோம்.