பிகில்' படத்தைத் தொடர்ந்து விஜய், 'கைதி' பட இயக்குநர் லோகேஷ் கனகராஜ் இயக்கும் 'மாஸ்டர்' திரைப்படத்தில் நடித்து வருகிறார். விஜய் சேதுபதி, மாளவிகா மோகனன், சஞ்சீவ், சாந்தனு உள்ளிட்டோர் நடித்துவரும் இப்படம் ஏப்ரல் மாதம் வெளியாகிறது. விஜய்யின் உறவினர் சேவியர் பிரிட்டோ இப்படத்தைத் தயாரித்து வருகிறார். இப்படத்தின் படப்பிடிப்பு தொடங்கியதில் இருந்து இப்படம் குறித்து ஏராளமான எதிர்பார்ப்புகள் ரசிகர்கள் மத்தியில் நிலவி வருகிறது.
இந்தாண்டு ஏப்பரல் மாதம் படம் வெளியாகும் என படக்குழு அறிவித்திருந்தது. தற்போது இப்படத்திலிருந்து ஒரு குட்டி கதை என்னும் ஃப்ர்ஸ்ட் சிங்கிள் ட்ராக் பிப்ரவரி 14 ஆம் தேதி மாலை 5 மணிக்கு வெளியாகும் என படக்குழு அறிவித்திருந்தது. தற்போது இப்பாடலை விஜயே பாடியுள்ளதாக இசையமைப்பாளர் அனிருத் தனது ட்விட்டர் பக்கத்தில் கூறியுள்ளார். அதுமட்டுமல்லாது விஜய் அனிருத்தை கட்டி பிடித்தப்படி நிற்கும் புகைப்படம் ஒன்றையும் பதிவிட்டுள்ளார்.