'மாஸ்டர்' படத்தை தொடர்ந்து நடிகர் விஜய் தற்போது நெல்சன் இயக்கும் புதியப்படத்தில் நடித்துவருகிறார். தற்காலிகமாக இந்த படத்திற்கு 'தளபதி 65' என பெயர்வைத்துள்ளனர். இதில் விஜய்க்கு ஜோடியாக பூஜா ஹெக்டே நடிக்கிறார். சன் பிக்சர்ஸ் தயாரிக்கும் இந்த படத்தின் முதற்கட்ட படப்பிடிப்பு ஜார்ஜியாவில் முடிவடைந்துள்ளது.
சமூகவலைதளத்தில் கொண்டாட்டத்தை ஆரம்பித்த 'தளபதி' ரசிகர்கள்!
சென்னை: பிறந்தநாளுக்கு ஒரு மாதத்திற்கு முன்னரே சமூகவலைதளத்தில் விஜய் ரசிகர்கள் கொண்டாட்டத்தை ஆரம்பித்துள்ளனர்.
vijay
இரண்டாம் கட்ட படப்பிடிப்பு சென்னையில் தொடங்கவிருந்த நிலையில் கரோனா இரண்டாம் அலை காரணமாக படப்பிடிப்பு தற்காலிகமாக நிறுத்திவைக்கப்பட்டுள்ளது. மாஸ்டர் திரைப்படத்தின் இந்தி வெர்ஷன் தொலைக்காட்சியில் இன்று(மே 29) இரவு ஒளிப்பரப்பாகிறது. இதனால் குஷியடைந்த விஜய் ரசிகர்கள் இதை இணையத்தில் கொண்டாட ஆரம்பித்துள்ளனர்.
மேலும், விஜய்யின் பிறந்தநாள் ஜூன் 22ஆம் தேதி கொண்டாடப்படவுள்ளது. இதனை சிறப்பிக்கும் விதமாக, விஜய் ரசிகர்கள் ஜூன் 19ஆம் தேதி சமூகவலைதளத்தில் விஜய் பிறந்தநாள் "காமன் டிபி"யை வெளியிட இருக்கின்றனர். பிறந்தநாளுக்கு இன்னும் ஒரு மாதம் உள்ள நிலையில், அவரது ரசிகர்கள் சமூகவலைதளத்தில் தற்போதே கொண்டாட்டத்தை தொடங்கியுள்ளனர்.