பெரும் எதிர்பார்ப்புகளுக்கிடையே அஜித் நடிப்பில் உருவாகியுள்ள 'வலிமை' திரைப்படம் நேற்றைய (பிப்ரவரி 25) தினம் வெளியானது. இந்நிலையில் இத்திரைப்படம் குறித்த தனது கருத்துகளை இயக்குநர் விக்னேஷ் சிவன் ட்விட்டர் பக்கத்தில் பதிவிட்டுள்ளார்.
அதில், "சமூகப் பொறுப்புடன்கூடிய இயக்குநரும், முன்மாதிரியான நடிகரும் இணைந்து பிரமாண்டமான காட்சிகளுடன் முக்கியமான கருத்துகளையும் சொல்லியிருக்கின்றனர். இதுவரை பார்த்திராத சண்டைக் காட்சிகள், உண்மையான சண்டைக் காட்சிகள், ஒவ்வொரு காட்சியிலும் கடின உழைப்பு ஆகியவை ரசிகர்கள் மீது அவர்கள் வைத்திருக்கும் அன்பைக் காட்டுகிறது.