வெற்றிமாறனின் சினிமா பயிற்சி வகுப்பு - ஏழை மாணவர்களுக்கு உதவி!

சென்னை: ஏழை, எளிய மாணவர்கள், சமூக ரீதியாக பிற்படுத்தப்பட்ட மாணவர்கள் பயன்பெறும் வகையில் இலவச சினிமா பயிற்சி வகுப்பை இயக்குநர் வெற்றிமாறன் தொடங்கியுள்ளார்.

இயக்குநர்பாலுமகேந்திராவின் உதவி இயக்குநராக இருந்து தற்போது முன்னணி இயக்குநர்களுள் ஒருவராக உயர்ந்துள்ள இயக்குநர் வெற்றிமாறன், புதிதாக இலவச சினிமா பயிற்சி வகுப்பைத் தொடங்கியுள்ளார். இதற்கான தொடக்க விழா சென்னையில் நடைபெற்றது.

அப்போது பேசிய அவர், ”தற்போது சினிமா பயிற்சி வகுப்புகளுக்கு அதிகக் கட்டணம் வசூலிக்கப்படுகிறது. இதனால் ஏழை, எளிய மாணவர்கள் புறக்கணிக்கப்படுகின்றனர். எனவே, திரைப் பண்பாடு ஆய்வகம் நிறுவனத்துடன் இணைந்து ஓராண்டு முதுநிலை சினிமா பயிற்சி வகுப்பினைத் தொடங்கியுள்ளோம்.

வெற்றி

மாவட்டத்திற்கு ஒரு மாணவர் என்ற விகிதத்தில் நலிந்த முதல் தலைமுறை மாணவர்களை கண்டறிய இருக்கிறோம். அவர்களுக்கு உணவு இருப்பிடத்துடன் ஓராண்டு சினிமா பயிற்சி அளிக்கப்படும்” என்றார்.

இதனையடுத்து, அதிகரித்து வரும் சாதிய படங்கள் குறித்த கேள்விக்கு, ”எல்லா வகையான படங்களை எடுக்க அனைவருக்கும் உரிமை உள்ளது. இயக்குநர்கள் சமூக பொறுப்புடன் செயல்பட வேண்டும்” என்று பதிலளித்தார்.