நடிகர் விஜய் தற்போது நெல்சன் இயக்கத்தில் உருவாகிவரும் 'பீஸ்ட்' படத்தில் நடித்துவருகிறார். இப்படத்தின் இறுதிகட்ட படப்பிடிப்பு தற்போது டெல்லியில் விறுவிறுப்பாக நடைபெற்றுவருகிறது.
இதனைத்தொடர்ந்து அவர் அடுத்ததாகத் தெலுங்கு இயக்குநர் வம்சி படத்தில் நடிக்கவுள்ளதாகச் சமீபத்தில் அறிவிக்கப்பட்டது. விஜய்யின் 66ஆவது படமான இது தமிழ், தெலுங்கு ஆகிய இரண்டு மொழிகளில் உருவாகிறது. பிரபல தெலுங்கு தயாரிப்பாளர் தில் ராஜு படத்தை தயாரிக்கிறார்.
இந்நிலையில் தளபதி 66ஆவது படத்திற்கு தமன் இசையமைக்கவுள்ளதாகத் தகவல் வெளியாகியுள்ளது. மேலும் விரைவில் இது குறித்த அறிவிப்பு வெளியிடப்படும் எனவும் கூறப்படுகிறது. இதன்மூலம் முதல்முறையாக விஜய் படத்திற்கு தமன் இசையமைக்கிறார்.
தெலுங்கு சினிமாவில் முன்னணி இயக்குநராக வலம்வரும், வம்சி தமிழில் கார்த்தியை வைத்து தோழா படத்தை இயக்கினார் என்பது குறிப்பிடத்தக்கது.
இதையும் படிங்க:விஜய்யுடன் பணியாற்றுவது எனக்கு புது அனுபவம் - இயக்குநர் வம்சி
