தளபதி விஜய் தற்போது லோகேஷ் கனகராஜ் இயக்கத்தில் உருவாகிவரும் மாஸ்டர் படத்தில் நடித்துவருகிறார். இப்படத்தில் விஜய் பாடியுள்ள 'குட்டி ஸ்டோரி' பாடல் காதலர் தினமான பிப்ரவரி 14ஆம் தேதி வெளியானது. அருண் காமராஜ் எழுதியுள்ள இப்பாட்டிற்கு அனிருத் இசையமைத்துள்ளார்.
எளிமையான வார்த்தைகள் கொண்ட இப்பாடல் ரசிகர்களை வெகுவாக கவர்ந்துள்ளது. மேலும் சிங்கப்பூர், மலேசியா நாட்டு மக்களும் இப்பாடலை விரும்பி கேட்கின்றனர். அந்த வகையில் தாய்லாந்து நாட்டைச் சேர்ந்த பள்ளி மாணவர்கள், குட்டி ஸ்டோரி பாடலுக்கு தாளம் போட்டு, பாட்டு பாடி மகிழ்ந்துள்ளனர். அந்த வீடியோவை இசையமைப்பாளர் அனிருத் தனது ட்விட்டர் பக்கத்தில் வெளியிட்டுள்ளார்.