சார்பட்டா பரம்பரை- பாராட்டி தள்ளிய பிரபல இயக்குநர்

'சார்பட்டா பரம்பரை' படத்தை பாராட்டி இயக்குநர் சுசீந்திரன் வீடியோ மற்றும் அறிக்கை ஒன்றை வெளியிட்டுள்ளார்.

இயக்குநர் பா. ரஞ்சித், ஆர்யாவை வைத்து இயக்கியுள்ள படம் 'சார்பட்டா பரம்பரை' நேற்று (ஜூலை 21) ஓடிடி தளத்தில் வெளியானது. வடசென்னையின் பாரம்பரிய விளையாட்டான குத்துச்சண்டையை மையமாக வைத்து எடுக்கப்பட்டுள்ள இப்படத்தை ரசிகர்கள் மட்டுமின்றி திரையுலகினர் பலரும் பாராட்டி வருகின்றனர்.

அந்தவகையில் இயக்குநர் சுசீந்திரன் 'சார்பட்டா பரம்பரை' படத்தைப் பாராட்டி அறிக்கை ஒன்றை வெளியிட்டுள்ளார். அதில், "சார்பட்டா பரம்பரை படத்தைப் பார்த்தேன்.

இப்படியொரு திரைப்படத்தைத் திரையரங்குகளில் காணமுடியவில்லையென்று வருத்தமாக இருக்கிறது. நண்பர் பா.ரஞ்சித் திரைப்படங்களில் இதுவே முதன்மையான சிறந்த திரைப்படம்.

இந்திய சினிமாவிற்கு மிகசிறந்த திரைப்படத்தைத் தந்துள்ள ரஞ்சித்துக்கு என் அன்பான வாழ்த்துகள். ஆர்யாவின் காத்திருப்புக்கும், உழைப்பிற்கும் எனது சல்யூட், வாழ்த்துகள்" எனக் குறிப்பிட்டுள்ளார்.

இதையும் படிங்க:சிரித்த முகத்துடன் கரோனா தடுப்பூசி எடுத்துக்கொண்ட பூஜா ஹெக்டே!