நடிகர் சிம்பு நடிப்பில் சுரேஷ் காமாட்சி தயாரிப்பில் பல்வேறு சர்ச்சைகளை கடந்து நவம்பர் 25ஆம் தேதி திரைக்கு வந்தது 'மாநாடு'. இத்திரைப்படம் விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்ற நிலையில் படத்தின் மூலம் சிம்பு மீண்டும் ஃபார்முக்குத் திரும்பியுள்ளார்.
'மாநாடு' திரைக்கு வந்து 25 நாள்களைக் கடந்த நிலையில் அண்மையில் படக்குழு சார்பில் வெற்றி விழா கொண்டாடப்பட்டது. அந்நிகழ்வில் சிம்பு பங்கேற்பார் என எதிர்பார்க்கப்பட்ட நிலையில் கடைசி நேரத்தில், படப்பிடிப்புக்குச் சென்றதால் சிம்பு வெற்றி விழாவுக்கு வரவில்லை.