இந்தியில் ரீமேக்காகும் மாஸ்டர்... வாத்தி யார் தெரியுமா?

சென்னை: 'மாஸ்டர்' படத்தின் இந்தி ரீமேக்கில் நடிகர் சல்மான் கான் வாத்தியாக நடிக்கவுள்ளதாகத் தகவல் வெளியாகியுள்ளது.

நடிகர் விஜய் நடிப்பில் இந்த ஆண்டு ஜனவரி மாதம் வெளியான திரைப்படம், ‘மாஸ்டர்’. இயக்குநர் லோகேஷ் கனகராஜ் இயக்கிய இந்த படம் தான், கரோனா அலைக்குப் பிறகு திரையரங்குகளில் வெளியான மாஸ் ஹீரோ திரைப்படம்.

தெலுங்கு, இந்தி, கன்னடா, மலையாளம் ஆகிய மொழிகளில் டப் செய்யப்பட்டு வெளியானது. ‘மாஸ்டர்’ திரைப்படம் இந்தியில் டப் செய்யப்பட்டு வெளியானாலும், பிரபல தயாரிப்பு நிறுவனம் ஒன்று இதன் இந்தி ரீமேக் உரிமையைப் பெற்றுள்ளது.

இந்நிலையில் மாஸ்டர் படத்தின் இந்தி ரீமேக்கில் நடிகர் சல்மான் கான், விஜய் நடித்த ஜேடி கேரக்டரில் நடிக்கவுள்ளதாகத் தகவல் வெளியாகியுள்ளது. மேலும் கரோனா ஊரடங்கு முடிந்தவுடன் இந்த படத்தின் படப்பிடிப்பு பணி தொடங்கும் எனப் படக்குழு வட்டாரத்திலிருந்து தகவல் வெளியாகியுள்ளது.

இதையும் படிங்க:சுஷாந்த் சிங் வாழ்க்கை படம் வெளியாக தடையில்லை- டெல்லி உயர் நீதிமன்றம்