’திரௌபதி’ இயக்குநரின் அடுத்த பட டிரெய்லர் வெளியானது!

’திரௌபதி’ இயக்குநரின் ‘ருத்ர தாண்டவம்’ பட டிரெய்லர் வெளியாகியுள்ளது.

’திரௌபதி’ படத்தை இயக்கியதன் மூலம் பிரபலமானவர் மோகன் ஜி. இவருடைய அடுத்த திரைப்படம் ‘ருத்ர தாண்டவம்’. ரிச்சர்ட், கௌதம் மேனன், ராதா ரவி, தம்பி ராமையா என இதில் ஒரு நட்சத்திர பட்டாளமே நடித்துள்ளது. இதன் டிரெய்லர் தற்போது வெளியாகி கலவையான விமர்சனத்தை பெற்று வருகிறது.

பொலிட்டிக்கல் கிரைம் த்ரில்லராக இத்திரைப்படம் உருவாகியுள்ளது. சாதி, மதம், அரசியல் சார்ந்த வசனங்கள் டிரெய்லரில் பேசப்படுகிறது. ‘திரௌபதி’ படத்தால் சர்ச்சையில் சிக்கிய மோகன் ஜி, இதிலாவது தப்பிப்பாரா என பொறுத்திருந்து பார்ப்போம்.

ஜிஎம் பிலிம் கார்ப்பரேஷன் மற்றும் 7ஜி பிலிம் பேனர் இணைந்து தயாரித்துள்ள இப்படத்துக்கு ஜுபின் இசையமைத்துள்ளார்.

இதையும் படிங்க:தீபிகா உதவியாளருக்கு மீண்டும் பிணை மறுப்பு