திரைப்படம், அரசியல், விளையாட்டு என அன்றாட நிகழ்வுகளை வைத்து சர்ச்சையான ட்வீட்டுகளை பதிவிட்டு ரசிகர்களிடம் வாங்கிக் கட்டிக்கொள்பவர், இயக்குநர் ராம் கோபால் வர்மா. தற்போது உலகம் முழுவதும் கரோனா பீதி தொற்றிக்கொண்டிருக்கும் நிலையில், அதுதொடர்பான கருத்துகள், வீடியோக்களைப் பதிவிட்டு வருகிறார்.
அதே நேரத்தில் திறமை உள்ள நபர்களை பிரபலமாக மாற்றுவதிலும் ராம் கோபால் வர்மா தயங்குவது இல்லை. நாகார்ஜூனா, விவேக் ஓபராய், அபிஷேக் பச்சன், ஊர்மிளா மாடோண்ட்கர் உள்ளிட்ட பல பிரபலங்களுக்குத் தொடக்க காலத்தில் ராம் கோபால் வர்மா பல முக்கியக் கதாபாத்திரங்களை வழங்கி, அவர்களது திறமைகளை திரையில் வெளிக்கொண்டு வந்தார்.