நடிகர் பிரபாஸ் தற்போது 'ராதே ஷ்யாம்', 'ஆதிபுருஷ்', 'சலார்', நாக் அஸ்வின் இயக்கத்தில் உருவாகும் புதிய படத்தில் தொடர்ந்து நடித்துவருகிறார். இப்படங்களைத் தொடர்ந்து பிரபாஸ் நடிக்கவிருக்கும் 25ஆவது படம் குறித்தான எதிர்பார்ப்புகள் ரசிகர்கள் மத்தியில் எழுந்தது.
இந்நிலையில், இன்று (அக். 7) பிரபாஸின் 25ஆவது படம் குறித்தான அதிகாரப்பூர்வ அறிவிப்பு வெளியாகியுள்ளது. 'ஸ்பிரிட்' எனப் பெயரிடப்பட்டுள்ள இப்படத்தை விஜய் தேவரகொண்டாவை வைத்து 'அர்ஜுன் ரெட்டி' படத்தை இயக்கிய சந்தீப் ரெட்டி வாங்கா இயக்குகிறார்.
அர்ஜுன் ரெட்டி படத்தின் வெற்றியைத் தொடர்ந்து இதன் இந்தியில் ரீமேக்கான கபீர் சிங் படத்தை ஷாகித் கபூரை வைத்து சந்தீப் ரெட்டி வாங்கா இயக்கினார். இந்தப் படமும் பாலிவுட்டில் வெற்றி அடையவே அவர் தற்போது ரன்பீர் கபூரை வைத்து அனிமல் படத்தை இயக்க ஒப்பந்தமானார். ஆனாலும் இப்படத்தின் படப்பிடிப்பு இதுவரை தொடங்கப்படவில்லை.