’மாஸ்டர்’ படத்தையடுத்து நடிகர் விஜய் சன் பிக்சர்ஸ் தயாரிப்பில் தனது 65ஆவது படத்தில் நடிக்க ஒப்பந்தம் செய்யப்பட்டுள்ளார். 'கோலமாவு கோகிலா' படத்தைப் பட இயக்குநர் நெல்சன் தளபதி 65 படத்தை இயக்குகிறார். தற்காலிகமாக 'தளபதி 65' என்று அழைக்கப்படும் இப்படத்திற்கு அனிருத் இசையமைக்கிறார்.
இந்நிலையில் இப்படத்தில் விஜய்க்கு ஜோடியாக நடிகை பூஜா ஹெக்டே நடிக்க ஒப்பந்தம் செய்யப்பட்டுள்ளதாக சன் பிக்சர்ஸ் நிறுவனம் தனது ட்விட்டர் பக்கத்தில் வெளியிட்டுள்ளது.