பாலிவுட்டில் அமிதாப்பச்சன் நடிப்பில் 2016ஆம் ஆண்டு வெளியான படம் 'பிங்க்'. வேலைபார்க்கும் மூன்று பெண் தோழிகளுக்கு எதிராக நிகழும் பாலியல் வன்கொடுமைகளையும் அந்தச் சம்பவத்தின் பின்னணியில் இருக்கும் உண்மை நிலவரத்தையும் அடிப்படையாக வைத்து வெளியான இப்படம் மாபெரும் வரவேற்பைப் பெற்றது.
தொடர்ந்து, 'பிங்க்' திரைப்படத்தை தமிழில் 'நேர்கொண்ட பார்வை' என்ற பெயரில் ரீமேக் செய்தனர். அமிதாப்பச்சன் நடித்த வழக்கறிஞர் கதாபாத்திரத்தில் தல அஜித் நடித்து அசத்தியிருந்தார். பாலிவுட்டைத் தொடர்ந்து கோலிவுட்டிலும், இப்படம் வசூல் ரீதியாக மாபெரும் சாதனையை படைத்தது.