'பூமி உங்களுக்கு ஓய்வு கொடுத்துள்ளது'- நிவேதா பெத்துராஜ்

கரோனா வைரஸிலிருந்து அனைவரும் பாதுகாப்பாக இருங்கள் என்று நடிகை நிவேதா பெத்துராஜ் அறிவுரை வழங்கும் விதத்தில் வீடியோ வெளியிட்டுள்ளார்.

கரோனா வைரஸ் காரணமாக அனைத்து மொழி திரைப்படப் படப்பிடிப்புகளும் ரத்து செய்யப்பட்டுள்ளன. இதனால் வீட்டிலிருக்கும் பிரபலங்கள் சமூக வலைதளங்களில் படு ஆக்டிவாகச் செயல்பட்டு வருகின்றனர்.

மேலும் கரோனா வைரஸ் குறித்து ரசிகர்களுக்கு அவர்கள் விழிப்புணர்வும் ஏற்படுத்திவருகின்றனர். அந்த வகையில் நடிகை நிவேதா பெத்துராஜ் தனது ட்விட்டர் பக்கத்தில் வீடியோ ஒன்றை வெளியிட்டுள்ளார்.

அதில், “நாம் அனைவரும் நீண்ட தூரம் பயணிக்க வேண்டியுள்ளது. உங்களையும், உங்கள் அன்பானவர்களையும் பாதுகாத்து கொள்ளுங்கள். இடைவெளி இல்லாமல் ஓடிக்கொண்டு இருந்த நமக்கு, இந்த பூமி ஓய்வு எடுக்க நேரம் கொடுத்துள்ளது. இதை பயன்படுத்தி வீட்டிலேயே, பாதுகாப்பாக இருங்கள்" என்று கூறியுள்ளார்.

இதையும் படிங்க:'கரோனா வைரஸை எதிர்த்து நாம் போராட வேண்டும்' -ரம்யா பாண்டியன்