'தெறி', 'மெர்சல்' ஆகிய படங்களின் வெற்றிக்குப் பிறகு அட்லீ - விஜய் கூட்டணியில் உருவாகிவரும் திரைப்படம் தளபதி 63. இதில் நயன்தாரா, ஜாக்கி ஷெரோஃப், யோகி பாபு, கதிர், டேனியல் பாலாஜி என பலரும் நடிக்கின்றனர். ஏஜிஎஸ் நிறுவனம் பிரமாண்ட பொருட்செலவில் இதனை தயாரித்துவருகிறது. இந்தப் படத்துக்கு ஏ.ஆர். ரஹ்மான் இசையமைக்கிறார், மெர்சல் படத்தில் ஒளிப்பதிவாளராக பணியாற்றிய ஜி.கே. விஷ்ணு இதிலும் பணியாற்றிவருகிறார்.
தளபதி 63 படத்தின் புதிய அப்டேட்! - விஜய்
அட்லீ இயக்கத்தில் விஜய், முன்னணி கதாபாத்திரத்தில் நடித்துவரும் 'தளபதி 63' படத்தின் புதிய அப்டேட் வெளியாகியுள்ளது.
thalapathy 63
தளபதி 63 படத்தின் சேட்டிலைட் உரிமையை சன் நெட்வொர்க், 28 கோடி ரூபாய் கொடுத்து வாங்கியிருப்பதாக தகவல்கள் வெளியாகின. தற்போது புதிய அப்டேட் ஒன்று கிடைத்துள்ளது. இந்தப் படக்குழுவினர் தொடர்ந்து 70 நாட்கள் படப்பிடிப்பு நடத்த முடிவு செய்திருக்கின்றனர்.
சென்னையின் புகழ்பெற்ற ஸ்டுடியோக்களில் ஒன்றான கோகுலம் ஸ்டுடியோவில் இதன் பாடல் காட்சிகள் இன்று படமாக்கப்பட்டுவருகிறது. நாளையும் இந்தப் படப்பிடிப்பு தொடரும் என கோலிவுட் வட்டாரம் தகவல் தெரிவித்துள்ளது. தளபதி 63 படம் வருகிற தீபாவளி அன்று வெளியாகவிருக்கிறது.