'அது வேற, இது வேற' படத்தை தயாரித்த ஜே.பி.ஜே பிலிம்ஸ் அடுத்ததாக தயாரிக்கும் படம் 'ஒபாமா உங்களுக்காக'. இப்படத்தில் நடிகர் பிருத்விராஜ், ஜனகராஜ் ஆகியோர் முக்கிய கதாபாத்திரத்தில் நடித்துள்ளனர். 'பாஸ்மார்க்' படத்தை இயக்கிய பாலகிருஷ்ணன் தனது பெயரை நாநிபாலா என்று மாற்றிக் கொண்டு இப்படத்தை இயக்கியுள்ளார்.
நடப்பு அரசியலை வெளுத்து வாங்கும் 'ஒபாமா உங்களுக்காக'
நடப்பு அரசியலை வெளுத்து வாங்கும் வகையில் 'ஒபாமா உங்களுக்காக' படம் இருக்கும் என்று படத்தின் இயக்குநர் கூறியுள்ளார்.
ஒபாமா உங்களுக்காக
இப்படம் குறித்து இயக்குநர் கூறுகையில், தாமஸ் ஆல்வா எடிசன் போனை கண்டு பிடித்தது பேசுவதற்காகத் தான். ஆனால் தற்போது மொபைலில் பார்க்க முடியாததோ, சாதிக்க முடியாததோ எதுவும் இல்லை என்றாகி விட்டது. 'ஒபாமா உங்களுக்காக' படத்தின் கதையின் நாயகனாக செல்போன் ஒன்று முக்கிய கதாபாத்திரமாக இடம் பெறுகிறது. அரசியலை கிழித்து நார் நாராகத் தொங்க விடும் படமாக இது இருக்கும் என்றார்.
இப்படத்தில் பிருத்வி நடிக்கிறார். ஜனகராஜ் இது வரை ஏற்றிராத புது அவதாரம் ஏற்கிறார். இந்த படத்தில் விக்ரமன், கே.எஸ். ரவிக்குமார், ரமேஷ் கண்ணா அகியேர் இயக்குநர்களாகவே நடித்துள்ளனர். புதுமுகநாயகி பூர்ணிஷா அறிமுகமாகிறார். இவர்கள் தவிர சிவா, நித்யா, விஜய் டிவி புகழ் கோதண்டம் ஆகியோர் நடிக்கிறார்கள். படத்தின் இறுதி கட்ட பணிகள் நடைபெற்றுக் கொண்டிருக்கிறது .