சென்னை: ஃபெப்சி தொழிலாளர்களுக்கு, லேடி சூப்பர் ஸ்டார் நயன்தாரா 20 லட்சம் ரூபாய் நிதியுதவி வழங்கியுள்ளார்.
நாடு முழுவதும் கரோனா வைரஸ் தொற்று பாதிப்பு அதிகரித்துகொண்டே வருகிறது. இதைக் கட்டுப்படுத்த இந்தியா முழுவதும் வரும் 14ஆம் தேதி வரை ஊரடங்கு உத்தரவு பிறப்பிக்கப்பட்டுள்ளது. இதனால் பலரும் வேலைக்கு செல்லமுடியாமல் வருமானமின்றி பாதிப்படைந்துள்ளனர்.
அதிலும் குறிப்பாக திரைத்துறைத் சேர்ந்த தொழிலாளர்கள் படப்பிடிப்பு இல்லாத காரணத்தினால், வறுமையில் சிக்கித் தவித்துவருகின்றனர். அவர்களுக்கும், அவர்களது குடும்பதினருக்கும் உதவத் திரைத்துறையினர் முன்வர வேண்டும் என்று ஃபெப்சி சம்மேளனத்தின் தலைவர் ஆர்.கே. செல்வமணி கோரிக்கை விடுத்திருந்தார்.