சென்னை: விஜய் நடித்துள்ள 'மாஸ்டர்' படத்தின் முன்றாவது சிங்கிள் பாடலான 'பொளக்கட்டும் பர பர’ பாடலின் லிரிக் வீடியோ வெளியாகியுள்ளது.
நடிகர் விஜய், விஜய் சேதுபதி முதல் முறையாக இனைந்து நடித்துள்ள படம், ‘மாஸ்டர்’. இப்படத்தின் இசைவெளீயிட்டு விழா கடந்த மாதம் நடைபெற்றது. இம்மாதம் 14ஆம் தேதி ’மாஸ்டர்’ திரைப்படம் வெளியாவதாக அறிவிக்கப்பட்டிருந்த நிலையில், கரோனா வைரஸ் காரணமாக ரிலீஸ் தேதி தள்ளி வைக்கப்பட்டுள்ளதாக கூறப்படுகிறது. இதனால் விஜய் ரசிகர்கள் மிகுந்த சோகத்தில் இருந்தனர்.
இந்நிலையில் அவர்களை மகிழ்விப்பதற்காக ’மாஸ்டர்’ படக்குழு தற்போது அப்படத்தின் ’பொளக்கட்டும் பர பர’ பாடலின் லிரிக் வீடியோவை வெளியிட்டுள்ளது. "உங்களுக்கு ரெண்டு நிமிஷம் டைம் தரேன். முடிஞ்சா என்ன கொன்னுட்டு உங்கள காப்பதிக்கோங்க" என விஜய் சேதுபதி பேசும் வசனத்துடன் அப்பாடல் துவங்குகிறது.
அதனால் படத்தில் விஜய் சேதுபதியின் சண்டை காட்சிக்குப் பிறகு, இந்தப் பாடல் வரலாம் எனத் தெரிகிறது. கிராமத்து பின்னணியில் வெளியாகியுள்ள இப்பாடலில், விஜய் சேதுபதி வேட்டி-சட்டையில் மிகவும் மாஸாக தோன்றும் புகைப்படங்கள் இடம்பெற்றுள்ளன. 'மாஸ்டர்' படத்தில் விஜய், கல்லூரி பேராசிரியராக நடிக்க, விஜய் சேதுபதி அவரது வில்லனாக நடித்துள்ளார். விரைவில் இப்படத்தின் டீசர், ட்ரெய்லர் வெளியாகும் தேதி குறித்த அறிவிப்பு வெளியாகும் என்று எதிர்பார்க்கப்படுகிறது.
இதையும் படிங்கவேட்டி-சட்டை, கையில் சிகரெட்: விஜய் சேதுபதியின் மாஸ் லுக் போஸ்டர் வெளியீடு