விஜய்யா...வைரஸா.. - காற்றில் பறந்த கரோனா விதி!

சென்னை: மாஸ்டர் படத்தின் டிக்கேட் முன்பதிவு செய்த திரையரங்குகளில் ரசிகர்கள் கூட்டம் குவிந்து வருவதால் கரோனா உத்தரவு காற்றில் பறந்துள்ளது.

கோலிவுட் ரசிகர்களால் மிகவும் எதிர்பார்க்கப்பட்ட விஜய்யின் ’மாஸ்டர்’ திரைப்படம் வரும், பொங்கல் விடுமுறையையொட்டி வரும் 13ஆம் தேதி வெளியாகிறது.இத்திரைப்படம் வெளியாக இன்னும் மூன்று நாள்கள் மட்டுமே உள்ள நிலையில், தமிழகத்தில் உள்ள பல்வேறு மாவட்டங்களில் ஏற்கனவே முன்பதிவு தொடங்கி நடைபெற்று வருகிறது.

இந்நிலையில் விடுமுறை நாளான இன்று(ஜன.10) சென்னை ரோகிணி திரையரங்கில், முன்பதிவு தொடங்கியது. இதையொட்டி விஜய் ரசிகர்கள் டிக்கெட் வாங்கத் திரையரங்குகளில் முந்தியடித்து செல்கின்றனர்.

காற்றில் பறந்த கரோனா விதி

அதிலும் குறிப்பாக 50 சதவிகித இருக்கைகள் மட்டுமே பயன்படுத்த அனுமதிக்கப்பட்டுள்ளதால், எப்படியாவது டிக்கெட் வாங்கிவிட வேண்டும் என்று ரசிகர்கள், கரோனா தொற்றையும் பொருட்படுத்தாமல், தகுந்த இடைவெளியை மறந்து டிக்கெட் எடுக்க முட்டிக்கொண்டனர். இதனால் கரோனா தொற்று பரவ அதிக வாய்ப்புள்ளதாக சமூக ஆர்வலர்கள் கருத்து தெரிவிக்கின்றனர்.

இதையும் படிங்க:காளிதாஸ் ஜெயராமை நேரில் அழைத்துப் பாராட்டிய விஜய்!