லைகா வெளியிட்ட 'மாஃபியா' பர்த் டே லுக்..!

நடிகர் அருண் விஜய் இன்று தனது 42ஆவது பிறந்த நாளைக் கொண்டாடும் நிலையில், லைகா நிறுவனம் 'மாஃபியா: சாப்டர் 1' திரைப்படத்தின் போஸ்டருடன், அருண் விஜய்க்கு பிறந்த நாள் வாழ்த்து தெரிவித்துள்ளது.

அருண் விஜய் - 'துருவங்கள் பதினாறு' படப்புகழ் கார்த்திக் நரேன் கூட்டணியில் உருவாகி இருக்கும் திரைப்படம் 'மாஃபியா: சாப்டர் 1'. இந்த படத்தில் நடிகர் பிரசன்னா, நடிகை பிரியா பவானி சங்கர் உள்ளிட்டோர் நடித்துள்ளனர். பிரபல தயாரிப்பு நிறுவனமான லைகா புரொடெக்‌ஷன்ஸ் தயாரிக்கும் இப்படத்திற்கு ஜேக்ஸ் பிஜோய் இசையமைத்துள்ளார்.

கேங்ஸ்டர் கதைக்களத்தில் மிரட்டும் வகையில் பெரும் எதிர்பார்ப்பை ஏற்படுத்தியிருக்கும் இந்தப் படம் விரைவில் திரைக்கு வரவுள்ளது.

இதனிடையே நடிகர் அருண் விஜய், இன்று தனது 42ஆவது பிறந்த நாளைக் கொண்டாடுகிறார். இந்நிலையில், லைகா நிறுவனம் 'ஹேப்பி பரத்டே ஆர்யன்' என்ற புதிய போஸ்டருடன் நடிகர் அருண் விஜய்க்கு பிறந்த நாள் வாழ்த்து தெரிவித்துள்ளது.

ராயல் என்ஃபீல்டில் சிங்கிள் பேரல் துப்பாக்கியுடன், கம்பீரப் பார்வையுடன் தோற்றமளிக்கும் அருண் விஜய்க்கு 'தி ஹண்டர்' என்ற வாசகத்துடன் படக்குழுவினர் பலரும் வாழ்த்து தெரிவித்து வருகின்றனர்.