பாஜகவில் எனக்கு சீட் கொடுக்க முன் வந்தனர் - நடிகை கங்கனா அதிரடி!

நடிகை கங்கனா ரணாவத் தனக்கு பாஜகவில் சீட் கொடுக்க முன் வந்ததாகத் தெரிவித்துள்ளார்.

தமிழ், தெலுங்கு போன்ற மொழிப் படங்களில் நாயகியாக நடித்து வருபவர், நடிகை கங்கனா ரணாவத். எப்போதும் சமூக வலைதளங்களில் படு ஆக்டிவாக இருக்கும் கங்கனா, தனது கருத்தை வெளிப்படையாகத் தெரிவித்து வருகிறார்.

அந்தவகையில் சமீபத்தில் பிரதமர் நரேந்திர மோடியை, கங்கனா தனது ட்விட்டர் பக்கத்தில் பாராட்டினார். அதற்கு ஆதரவாகவும் எதிராகவும் விமர்சனங்கள் எழுந்தன. ஒரு சிலரோ கங்கனா பாஜக கட்சியில் இணையப் போகிறார் என்று வதந்தி பரப்பினர்.

இந்நிலையில் அதற்கு மறுப்புத் தெரிவித்து நடிகை கங்கனா, தனது ட்விட்டர் பக்கத்தில் பதிவு ஒன்றை வெளியிட்டுள்ளார்.

அதில், "நான் பிரதமர் மோடியைப் பாராட்டியதால் பாஜகவில் சேரப்போவதாக பலரும் நினைத்துக் கொள்கிறார்கள். எனக்கு என் நடிப்பு மீது தான் அதிக ஆர்வம் உள்ளது.

நான் ஒரு நடிகை, எனக்கு அரசியலைப் பற்றிய நினைப்பு வந்ததில்லை. என்னை விமர்சிப்பதால், கருத்துச் சொல்வதை எப்போது நிறுத்தமாட்டேன்.

அதுமட்டுமின்றி எனக்கு பாஜகவில் சீட் கொடுக்க முன்வந்தனர். என்னுடைய தாத்தா பதினைந்து ஆண்டுகள் காங்கிரஸ் கட்சியில் சட்டமன்ற உறுப்பினராக இருந்தார். ஆனால், எனக்கு அரசியலில் வர ஆர்வமில்லை" என்று குறிப்பிட்டுள்ளார்.