1952ஆம் ஆண்டு சிவாஜி கணேசன் என்ற புதுமுக நடிகனை முன்னணி கதாபாத்திரமாக வைத்து கிருஷ்ணன் பஞ்சு இயக்கத்தில் ‘பராசக்தி’ என்ற படம் வெளியானது. கருணாநிதி தன் வசனம், திரைக்கதை யுக்தியை பயன்படுத்தி இந்தக் கதையை எப்படி தமிழ் சினிமாவின் திருப்புமுனையான படமாக மாற்றினார் என்பது இன்றளவும் பலருக்கும் வியப்பை அளிக்கக்கூடியதாக இருக்கிறது.
கலைஞர் கருணாநிதியின் திரைக்கதை யுக்தி
திரைப்படம் தொடங்கி அரைமணி நேரம் போயிருக்கும், கதாநாயகனின் குடும்பம் சிதைந்து அவன் தங்கை வறுமையின் பிடியில் சிக்கியிருப்பாள். அதுவரை நடந்த கதையை சம்பந்தம் இல்லாத இரண்டு கதாபாத்திரங்கள் திரையில் தோன்றி சொல்லிவிட்டு போவார்கள். நல்லா வாழ்ந்த குடும்பம் இப்படி ஆகியிருச்சு என அவ்வளவு நேரம் நடந்த கதையை சொல்லிவிட்டு கடந்து செல்வார்கள். படத்துக்கு லேட்டா வரவங்க பக்கத்தில் இருப்பவர்களிடம் கதை கேட்டு நச்சரிப்பதை தவிர்க்க இப்படி ஒரு காட்சியை அமைத்திருப்பார்.
பெண்ணியவாதி கலைஞர் கருணாநிதி
‘பராசக்தி’ படத்தில் வரும் துணிச்சலான பெண் கதாபாத்திரங்கள் போல் இன்றுவரை தமிழ் சினிமாவில் வேறு கதாபாத்திரங்கள் அமைக்கப்படவில்லை என்றே கூறலாம். தமிழ் சினிமாவில் இன்றும் பெண்களை கவர்ச்சிப் பொருளாக காட்டிவரும் சூழலில், கதாநாயகியை பகுத்தறிவுவாதியாக காட்டியிருப்பார்.
பிராணநாதா, ஆருயிரே உள்ளிட்ட வார்த்தைகளை தாண்டி கதாநாயகனை கதாநாயகி அழைக்காத காலகட்டமது, ‘பராசக்தி’யில் கதாநாயகனை பார்த்து கதாநாயகி, 'நீ ஒரு முட்டாள்' என அழுத்தமாக சொல்லி அதற்கான காரணங்களை விளக்குவார்.
சமூகத்தால் தானும் தன் தங்கையும் வஞ்சிக்கப்பட்டதாக எண்ணிக்கொண்டு வெறுப்பில் அலையும் கதாநாயகனை பார்த்து நீ ஒரு சுயநலவாதி, உன் தங்கைக்காக மட்டும் யோசிக்கிறாய். உன் தங்கை போல் எத்தனை பெண்கள் வாழ்க்கையைத் தொலைத்து அலைகிறார்கள். அவர்களைப் பற்றி என்றாவது சிந்தித்திருக்கிறாயா என கேள்வி எழுப்புவார்.
'சமூகப் புரட்சி என்பது ஆலகால விருட்சத்தின் கிளைகளை வெட்டுவது அல்ல, அதன் வேர்களை பெயர்த்தெடுப்பது' என புரட்சிகர கருத்துகளை கதாநாயகனிடம் பேசுவார்.
சரி, கதாநாயகி கதாபாத்திரம்தான் இப்படி என்றால், கதாநாயகனின் தங்கை கல்யாணியை தன் இச்சைக்கு பயன்படுத்த நினைக்கும் வில்லன் கதாபாத்திரத்தின் மனைவி அசால்ட்டாக பெண்ணுரிமை பேசி கடந்து செல்வார். கதாநாயகன் தங்கையிடம் தவறாக நடந்துகொள்ள முயற்சிக்கும் வில்லன் தன் மனைவியிடம் சிக்கிக்கொள்கிறான்.
அப்போது அவர் வழக்கமான தமிழ் சினிமா போல், நான் உங்களுக்கு என்ன துரோகம் செய்தேன், ஏன் இப்படி ஒரு காரியத்தை செய்யத் துணிந்தீர்கள் என கண்ணீர் வடிக்காமல், நீயெல்லாம் மனுசன்னு பிறந்துருக்க பாரு என்பார். அதற்கு வில்லன், என் இஷ்டம் நான் அப்படித்தான் செய்வேன் என்று சொல்லவும், நானும் என் இஷ்டம்னு வேற ஆம்பள கையப்பிடிச்சுட்டு போகவானு கேட்பார். நீளும் இந்த உரையாடலில், ஏம்மா கல்யாணி கதவை பூட்டிக்க, கண்ட நாயெல்லாம் உள்ள வரப் பார்க்கும் என தன் கணவனை சாடுவது போல் அந்தக் கதாபாத்திரத்தை அமைத்திருப்பார்.
அதிகாரவர்க்கத்துக்கு எதிரான கலைஞர்
ரோட்டோரமாய் படுத்துக் கிடக்கும் கதாநாயகனை காவலர் ஒருவர் எழுப்பி. நீ பிக்பாக்கெட்தானே என்பார், இல்ல எம்ப்டி பாக்கெட் என கதாநாயகன் பதில் சொல்ல, அந்த உரையாடல் இவ்வாறு நீளும்
காவலர்: இங்க ஏன்டா வந்து படுத்த...