காகித பூக்கள் - ஒட்டன்சத்திரம் பகுதியில் படமாகும் முக்கோண காதல் கதை

திண்டுக்கல்: ஒட்டன்சத்திரம் பகுதிகளில் முற்றிலும் மாறுபட்ட, முழுவதும் வேறுபட்ட முக்கோண காதல் கதையுடன் ‘காகித பூக்கள்’ என்னும் தலைப்பில் புதுமுகங்களுடன்புதிய இயக்குநருடன் படப்பிடிப்பு நடைபெற்று வருகிறது.

’என் காதலி உன் மனைவி ஆகலாம், ஆனால் உன் மனைவி என் காதலி ஆக முடியாது’ இதை மையக்கருவாக வைத்து படம் உருவாகிறது. ஸ்ரீ சக்திவேல் சினி கிரியேஷன்ஸ் சார்பில் உருவாகும் இப்படத்திற்கு ‘காகித பூக்கள்’ என பெயரிட்டுள்ளனர். புதுமுகங்கள் லோகன் - பிரியதர்ஷினியுடன் ப்ரவீன்குமார் முக்கிய வேடத்தில் நடிக்கும் இதில், தில்லைமணி, தவசி , பாலு, ரேகாசுரேஷ் இன்னும் பலர் நடிக்கின்றனர். இத்தோஷ் நந்தா இசையமைக்க, சிவபாஸ்கர் கேமராவை கையாள, சுதர்சன் படத்தொகுப்பையும், பாலசுப்ரமணியம் கலையையும், ஸ்ரீ சிவசங்கர் - ஸ்ரீ செல்வி இருவரும் நடன பயிற்சியையும், சுப்ரமணியன் தயாரிப்பு நிர்வாகத்தையும் கவனிக்கின்றனர்.

இதன் படப்பிடிப்பு ஒட்டன்சத்திரம், தேவச்சின்னாம்பட்டி, நவாமரத்துப்பட்டி, நால்ரோடு உள்ளிட்ட பகுதிகளில் நடைபெற்று வருகிறது. இதற்கு கதை, திரைக்கதை, வசனம், எழுதி தயாரித்து இயக்குநராக அறிமுகமாகிறார் முத்துமாணிக்கம். இந்த படபிடிப்பை பொதுமக்கள் ஆர்வத்துடன் பார்க்கின்றனர்.