இயக்குநர் ரவிக்குமார் இயக்கத்தில் விஷ்ணு விஷால், மியா ஜார்ஜ், கருணாகரன் ஆகியோர் நடிப்பில் வெளிவந்த படம் 'இன்று நேற்று நாளை'. 2015ஆம் ஆண்டு வெளிவந்த இப்படம் மக்களை ரசிக்கும் விதமாகவும் நல்ல கதையம்சம் பொருந்திய டைம் மிஷினை மையப்படுத்தி வெளிவந்தது. இப்படத்தை பார்த்த ரசிகர்கள் தமிழ் சினிமாவில் புதுமுயற்சி என்றும் மீண்டும் ஒரு முறை பார்க்க தூண்டிய படம் என்று வெகுவாக பாராட்டி வெற்றிப் பெறச்செய்தனர்.
அறிவியல் சார்ந்த படம் என்றாலும் அனைத்து தரப்பு ரசிகர்களுக்கும் புரியும்படியான வசனங்களால் எல்லோர் மனதையும் கவர்ந்தது. இப்படத்தின் வெற்றி நடிகர் விஷ்ணு விஷாலுக்கு நல்ல பெயரை பெற்று தந்தது. அடுத்தடுத்து படங்களில் நடிக்க கமிட் ஆனார். ஹிப் ஹாப் தமிழா இசையமைத்த இப்படத்திற்கு சிவி.குமார், ஞானவேல் ராஜா ஆகிய இருவரும் இணைந்து தயாரித்தனர். இந்நிலையில், இப்படத்தின் இரண்டாம் பாகம் உருவாக இருப்பதாக அதிகாரப்பூர்வ தகவல் வெளியாகியுள்ளது. முதல் பாகத்தை இயக்கிய ரவிக்குமார் கதை, திரைக்கதை, வசனம் எழுத அவரது உதவி இயக்குநர் எஸ்.பி. கார்த்திக் இயக்க இருக்கிறார்.