1996இல் ஷங்கர் இயக்கத்தில் கமல் நடித்த 'இந்தியன்' படம் வெளியாகி மிகப்பெரிய வெற்றியடைந்தது. இப்படத்தின் 2ஆம் பாகம் தற்போது உருவாக்கப்பட்டுவருகிறது. இப்படத்திலும் கதாநாயகனாக கமல் நடிக்கிறார்.
கமலுடன் காஜல் அகர்வால், சித்தார்த், வித்யுத் ஜமால், ஐஸ்வர்யா ராஜேஷ், ப்ரியா பவானி சங்கர் உள்ளிட்டோர் நடிக்கின்றனர். லைகா நிறுவனம் தயாரிக்கும் இப்படத்திற்கு அனிருத் இசையமைக்கிறார்.
இந்தப் படத்தில், நடிகர்கள் கமல், சித்தார்த், நடிகைகள் காஜல் அகர்வால், ரகுல் ப்ரீத் சிங், பிரியா பவானி ஷங்கர், விவேக், பாபி சிம்ஹா, சமுத்திரக்கனி, நெடுமுடிவேனு, டெல்லி கணேஷ் உள்ளிட்ட பலர் நடிக்கின்றனர். பில்லா 2, துப்பாக்கி படங்களில் வில்லனாக நடித்த வித்யூத் ஜாம்வால் முக்கிய கதாபாத்திரத்தில் நடிக்கிறார்.
ஏற்கனவே இப்படத்தின் முதல்கட்ட படப்பிடிப்பு சென்னை பிரசாத் லேபில் பிரத்யேக செட் அமைக்கப்பட்டு படமாக்கப்பட்டது. தற்போது ஆந்திரா ராஜமுந்திரியில் இரண்டாம் கட்ட படப்பிடிப்பு நடைபெற்றுவருகிறது.
தற்போது இப்படத்தில் நடிக்கும் விவேக்கின் கதாபாத்திரம் குறித்து தகவல்கள் வெளியாகியுள்ளது. இப்படத்தில் விவேக் சிபிஐ அலுவராக நடிக்கிறார். ஏற்கனவே இந்தியன் படத்தில் சிபிஐ கதாபாத்திரத்தில் நடித்த நெடுமுடி வேணு அப்படத்தின் திருப்புமுனையாக அமைந்திருந்தார்.
இப்போது இக்கதாபாத்திரத்தை விவேக் ஏற்று நடிக்கிறார். சமீபத்தில் விவேக் நடிப்பில் வெளியான 'வெள்ளைப்பூக்கள்' படத்தில் ஐபிஎஸ் அலுவலராக தனது அதிரடி நடிப்பை வெளிப்படுத்தியிருந்தார்.
இதையும் படிங்க: தெறிக்க விடும் இந்தியன்-2; ஷங்கருக்கு ஷாக் கொடுத்த ரசிகர்கள்!
