கௌதம் மேனன் படத்திற்கு வசனம் எழுதும் ஜெயமோகன்

'நதிகளிலே நீராடும் சூரியன்' படத்தின் மூலம் முதல்முறையாக எழுத்தாளர் ஜெயமோகன் கௌதம் மேனனுடன் இணைகிறார்.

'மாநாடு' படத்தைத் தொடர்ந்து நடிகர் சிம்பு, வேல்ஸ் ஃபிலிம் இன்டர்நேஷனல் தயாரிப்பில், கெளதம் மேனன் இயக்கும் இரண்டு படங்களில் நடிக்க ஒப்பந்தம் செய்யப்பட்டுள்ளார்.

இதில் முதல் படத்திற்கு 'நதிகளிலே நீராடும் சூரியன்' எனத் தலைப்பு வைக்கப்பட்டுள்ளது.

இந்தப் படத்திற்குக் கதை, திரைக்கதை, வசனம் ஆகியவற்றை எழுத்தாளர் ஜெயமோகன் எழுதுகிறார்.

எழுத்தாளர் ஜெயமோகனிடம் ஒரு வரி சொன்னால், அதை விரிவாக்கி 250 முதல் 300 பக்கங்களுக்கு அவர் கதை எழுதுவார் என்பதால், கௌதம் அவரை நாடியிருக்கலாம் எனக் கூறப்படுகிறது.

பொதுவாக கௌதம் மேனன் இயக்கும் படங்கள் ஸ்டைலாக இருக்கும். அதற்கு மிகமுக்கியக்காரணம் அவரே கதை, வசனம் உள்ளிட்டவற்றை எழுதுவார் என்பது குறிப்பிடத்தக்கது.

இதையும் படிங்க:மீண்டும் ’அண்ணாத்த’ படப்பிடிப்புக்குத் தயாராகும் ரஜினி!