'காதல் கொண்டேன்', 'புதுப்பேட்டை', 'மயக்கம் என்ன' போன்ற வெற்றிப் படங்களைத் தந்தவர்கள் செல்வராகவன் - தனுஷ். இந்தக் கூட்டணியில் மீண்டும் படம் வராதா என தமிழ் சினிமா ரசிகர்கள் எதிர்பார்த்திருந்த வேளையில், ‘நானே வருவேன்’ படம் குறித்த அறிவிப்பு வெளியானது.
செல்வராகவன் இயக்கத்தில் தனுஷ், முன்னணி கதாபாத்திரத்தில் நடிக்கிறார். கலைப்புலி எஸ். தாணு தயாரிக்கும் இப்படத்துக்கு யுவன் இசையமைக்கிறார். இப்படத்தில் தனுஷுக்கு ஜோடியாக இந்துஜா நடிக்க உள்ளதாக தகவல்கள் தெரிவிக்கின்றன.
கரோனா அச்சுறுத்தல் காரணமாக படப்பிடிப்புகள் ரத்து செய்யப்பட்டது. தற்போது முன் தயாரிப்புப் பணிகள் நிறைவடைந்து நானே வருவேன் படத்தின் படப்பிடிப்பு அக்டோபர் 16ஆம் தேதி தொடங்கியது.