பிடித்தால் பாருங்கள், இல்லை விட்டுத்தள்ளுங்கள் - 'ஒன்ஸ் அபான் ஏ டைம் இன் ஹாலிவுட்' சீன ரிலீசுக்கு குவெண்டின் டாரண்டினோ அதிரடி

பிடித்தால் பாருங்கள், இல்லையென்றால் விட்டுத்தள்ளுங்கள் என்று தனது படம் சீனாவில் ரிலீசாவதில் எழுந்துள்ள சிக்கலுக்கு கெத்தாக பதில் கூறியுள்ளார் ஹாலிவுட் இயக்குநர் குவெண்டின் டாரண்டினோ.

புரூஸ்லீ குறித்த காட்சிகளால் ஹாலிவுட் இயக்குநர் குவெண்டின் டாரண்டினோ படத்தை சீனாவில் ரிலீஸ் செய்வதில் சிக்கல் ஏற்பட்டுள்ளது.

பல்ப் பிக்‌ஷன், கில் பில்ல போன்ற சூப்பர் ஹிட் படங்களை இயக்கிய ஹாலிவுட் இயக்குநரின் லேட்டஸ்ட் படம் 'ஒன்ஸ் அபான் ஏ டைம் இன் ஹாலிவுட்.' லியானார்டோ டிக்காப்ரியா, பிராட் பிட் உள்ளிட்ட பலர் நடித்துள்ள இந்தப் படம் அமெரிக்காவில் ரிலீசாகி வசூலில் சக்கைபோடு போட்டு வருகிறது.

இந்தப் படத்தை சீனாவில் வரும் 25ஆம் தேதி வெளியிட திட்டமிடப்பட்டுள்ள நிலையில், படத்தில் ரிலீஸ் ரத்து செய்யப்பட்டுள்ளது.

இதற்கு காரணமாக மறைந்த ஆக்‌ஷன் ஹீரோ புரூஸ்லீ-யை தொடர்பாக சர்ச்சை காட்சிகள் இடம்பெற்றிருப்பதாக குற்றஞ்சாட்டப்பட்டுள்ளது.

இந்த சர்ச்சைக்கு பதிலளித்துள்ள படத்தின் இயக்குநர் குவெண்டின் டாரண்டினோ, பிடித்தால் பாருங்கள். இல்லையென்றால் விட்டுத்தள்ளுங்கள். படத்தை மறுமுறை எடிட்டிங் செய்யும் எண்ணம் இல்லை என்று தெரிவித்துள்ளார்.

இதனிடையே படத்தயாரிப்பாளர்கள் சென்சார் குழுவிடம் முறையிட்டிருப்பதாகத் தகவல்கள் தெரிவிக்கின்றன.