'பொறியாளன்' படம் மூலம் தமிழ் சினிமாவிற்கு அறிமுகமான ஹரிஷ் கல்யாண். அதன் பிறகு பியார் பிரேமா காதல் படத்தின் மூலம் இளம் முன்னணி நடிகர்களில் ஒருவரானார். 'பியார் பிரேமா காதல்' படத்தில் ஹரிஷ் ஜோடியாக பிக்பாஸ் புகழ் ரைசா நடித்திருந்தார். படம் ரசிகர்கள் மத்தியில் நல்ல வரவேற்பை பெற்றது.
தனுசு ராசி நேயர்களே படத்தின் ஃபர்ஸ்ட் லுக் வெளியீடு!
ஹரிஷ் கல்யாண் நடிப்பில் உருவாகவிருக்கும் 'தனுசு ராசி நேயர்களே' படத்தின் ஃபர்ஸ்ட் லுக் போஸ்டர் வெளியிடப்பட்டுள்ளது.
first look poster
அதனைதொடர்ந்து 'இஸ்பேட் ராஜாவும் இதய ராணியும்' படத்தில் அவர் நடித்திருந்தார். இப்படம் சில தினங்களுக்கு முன்பு வெளியானது. இந்நிலையில் இவரது நான்காவது படமாக 'தனுசு ராசி நேயர்களே' உருவாகவிருக்கிறது. படத்தின் பெயரையும், அதனுடைய ஃபர்ஸ்ட் லுக் போஸ்டரையும் படக்குழு வெளியிட்டுள்ளது.
இப்படத்தின் படப்பிடிப்பு சென்னையில் இன்று துவங்கியுள்ளது. படத்தில் ஹரிஷ் ஜோடியாக பாலிவுட் நடிகை ரியா சக்ரபோட்டி நடிக்கவுள்ளார். படத்திற்கு இசை ஜிப்ரான். இப்படத்தை பிரபல இயக்குநர் சந்தான பாரதி மகன் சஞ்சய் பாரதி இயக்கவுள்ளார். ஸ்ரீ கோகுலம் மூவிஸின் கோகுலம் கோபாலன் இப்படத்தை தயாரிக்கவிருக்கிறார்.