மதுரை: நடிகர் தனுஷ் தனது மகன் என மதுரையைச் சேர்ந்த தம்பதியர் உரிமை கோரிய வழக்கில் 12 பேர் சாட்சிகளாக ஆஜர்படுத்தப்பட்டனர்.
தமிழ் சினிமாவில் முன்னணி நடிகராக இருப்பவர் நடிகர் தனுஷ். இவரை தனது மகன் என உரிமை கோரி மதுரை மாவட்டம் மேலூர் பகுதியைச் சேர்ந்த கதிரேசன் - மீனாட்சி தம்பதியினர் வழக்கு தொடர்ந்தனர்.
இந்த வழக்கு மதுரை மாவட்ட நடுவர் நீதிமன்ற நீதிபதி முத்துராமன் முன்பு விசாரணைக்கு வந்தது. அப்போது கதிரேசன் - மீனாட்சி தம்பதியினர் தங்களது சொந்த ஊர்க்காரர்கள், உறவினர்கள், பள்ளியில் படித்தவர்கள் என 12 பேரை சாட்சியாக ஆஜர்படுத்தினர். இதையடுத்து அவர்களில் ஆறு பேரிடம் வாக்குமூலம் பெறப்பட்டது.
மீதமுள்ள ஆறு பேரிடம் வரும் ஜனவரி 21ஆம் தேதி விசாரணை நடத்தப்படும் என வழக்கை ஒத்திவைத்து உத்தரவிட்டார்.
