லக்ஷ்மி அகர்வால் என்கிற ஆசிட் வீச்சால் பாதிக்கப்பட்ட பெண்ணின் வாழ்க்கையை மையமாக வைத்து, மேக்னா குல்சர் இயக்கும் படம், ‘சப்பாக்’(Chhapaak). இப்படத்தில் ஆசிட் வீச்சால் பாதிக்கப்பட்ட பெண்ணாக பிரபல நடிகை தீபிகா படுகோன் நடிக்கிறார்.
இப்படத்தின் ஃபர்ஸ்ட் லுக் போஸ்டரை தீபிகா படுகோன் நேற்று தனது ட்விட்டர் பக்கத்தில் வெளியிட்டார். அந்த போஸ்டர் சமூகவலைதளங்களில் நேற்று முதல் பலராலும் பகிரப்பட்டு வருகிறது.
இந்நிலையில், நடிகை கங்கனா ரனாவத்தின் சகோதரியும், ஆசிட் வீச்சால் பாதிக்கப்பட்ட வருமான ரங்கோலி சேண்டல் தனது ட்விட்டர் பக்கத்தில் இந்த போஸ்டர் குறித்து பதிவிட்டிருந்தார்.
அதில், “இந்த உலகம் எத்தனை கொடுமையான விஷயமாக இருந்தாலும், அது குறித்து பேச மறுக்கும். ஆனால், இந்த தடைகளை எல்லாம் கடந்து தீபிகா படுகோன் மற்றும் இயக்குநர் மேக்னா குல்சர் எடுத்திருக்கும் இந்த முயற்சி வியக்கத்தக்கது. ஆசிட் வீச்சால் பாதிக்கப்பட்ட ஒரு பெண்ணாக நான் இப்படத்திற்கு தலைவணங்குகிறேன்” எனக் குறிப்பிட்டுள்ளார்.