நடிகை அனுஷ்கா 'பாகமதி' திரைப்படத்திற்குப் பின் ஹேமந்த் மதுகர் இயக்கத்தில் ‘நிசப்தம்’ (சைலன்ஸ்) என்னும் திரைப்படத்தில் நடித்துவருகிறார். த்ரில்லர் பாணியில் உருவாகியுள்ள இந்தப் படத்தில் அனுஷ்கா, நடிகர் மாதவனுடன் ஜோடி சேர்ந்துள்ளார். இவர்களுடன் அஞ்சலி, ஷாலினி பாண்டே, சுப்பராஜு உள்ளிட்டோர் நடித்துள்ளனர்.
இப்படத்தை பீப்புள் மீடியா ஃபேக்டரி - கோனா ஃபிலிம்ஸ் கார்ப்பரேஷன் நிறுவனம் இணைந்து தயாரித்துள்ளது. சமீபத்தில் வெளியான இப்படத்தின் ஃபர்ஸ்ட் லுக் போஸ்டர், ட்ரெய்லர் ரசிகர்கள் மத்தியில் படம் குறித்து மிகுந்த எதிர்பார்ப்பை ஏற்படுத்தியிருந்தது. ஏப்ரல் 2ஆம் தேதி வெளியாகவிருந்த படம் கரோனா அச்சம் காரணமாக வெளியீட்டுத் தேதி தள்ளிவைக்கப்பட்டுள்ளது.