அட்லி இயக்கத்தில் விஜய் மூன்றாவது முறையாக நடித்திருக்கும் படம் 'பிகில்'. பெண்கள் கால்பந்தாட்டத்தை மையமாக வைத்து உருவாகியிருக்கும் இத்திரைப்படத்தில் நயன்தாரா, இந்துஜா உள்ளிட்ட பல நடிகைகள் முக்கிய கதாபாத்திரங்களில் நடித்துள்ளனர்.
மேலும் ஜாக்கி ஷெராஃப், யோகி பாபு, ஆனந்த் ராஜ் உள்ளிட்ட பலரும் இந்த படக்குழுவில் இணைந்திருக்கின்றனர். ஏஜிஎஸ் என்டர்டெயின்மென்ட் நிறுவனம் தயாரிக்கும் இப்படத்துக்கு ஏ.ஆர். ரஹ்மான் இசையமைத்துள்ளார். தீபாவளி விருந்தாக இப்படம் திரைக்கு வர உள்ளது.
தற்போது இப்படத்தின் பட்ஜெட் குறித்த தகவல் வெளியாகியுள்ளது. அதில் இப்படத்தின் பட்ஜெட் 180 கோடி ரூபாய் எனவும் தமிழ்த் திரையுலகில் ரஜினியின் '2.o' படத்திற்குப் பின் பெரிய பட்ஜெட்டில் உருவாகியுள்ள இரண்டாம் படம் இதுவென்றும் கூறப்படுகின்றது. ரஜினியின் '2.O' 570 கோடி ரூபாய் பட்ஜெட்டில் உருவாக்கப்பட்டது.
பிகில் 180 கோடி ரூபாய் பட்ஜெட்டில் உருவாகினாலும்; இப்படத்தின் மீதான எதிர்பார்ப்பு மிகவும் அதிகரித்துள்ள நிலையில் இதன் லாபம் பட்ஜெட்டை தாண்டி கொடுக்குமா என்பதை பொறுத்திருந்து ட் பார்க்கலாம்.
இதையும் வாசிங்க: தீபாவளி தினத்தில் தளபதியின் இரட்டை விருந்து!
