ஹைதராபாத்: கரோனா வைரஸ் தொற்று உறுதியாகியுள்ள நிலையில் குடும்பத்தினருடன் வீட்டில் தனிமைப்படுத்திக் கொண்டிருப்பதாக பாகுபலி இயக்குநர் எஸ்.எஸ்.ராஜமெளலி தெரிவித்துள்ளார்.
இது தொடர்பாக அவர் தனது ட்விட்டரில் கூறியிருப்பதாவது:
நானும், எனது குடும்பத்தினரும் கடந்த சில நாள்களாக காய்ச்சலால் அவதிப்பட்டு வந்தோம். காய்ச்சல் தானாகவே குறைந்தபோதிலும், பரிசோதனை மேற்கொண்டோம். அதன் முடிவில் கரோனா வைரஸ் தொற்று லேசாக இருப்பது உறுதிசெய்யப்பட்டுள்ளது. எனவே, மருத்துவரின் அறிவுரைப்படி தற்போது வீட்டிலேயே தனிமைப்படுத்திக்கொண்டுள்ளோம்.
அறிகுறிகள் ஏதும் இல்லாதபோதும் நாங்கள் நலமாகவே உள்ளோம். அனைத்து விதமான அறிவுரைகள் மற்றும் முன்னெச்சரிக்கை நடவடிக்கைகளை மேற்கொள்கிறோம். நோய் எதிர்ப்பு சக்தி உருவானவுடன் பிளாஸ்மா தானம் செய்யலாம் என முடிவு செய்துள்ளோம்.