சென்னை: ஹெச். வினோத் இயக்கத்தில் அஜித் நடிக்கும் படம் 'வலிமை'. இப்படத்தில் ஹூமா குரேஷி, தெலுங்கு நடிகர் கார்த்திகேயா உள்ளிட்டோர் நடிக்கின்றனர். போனி கபூர் தயாரித்துவருகிறார். யுவன் சங்கர் ராஜா இசை அமைத்துள்ளார்.
இப்படத்தின் ஃபர்ஸ்ட் லுக் போஸ்டர், முதல் பாடல் வெளியாகி வரவேற்பைப் பெற்றது. 'வலிமை' அப்டேட் கேட்டு நச்சரித்துக்கொண்டிருந்த ரசிகர்களுக்கு இது கொண்டாட்டமாக அமைந்தது. இப்படத்தின் படப்பிடிப்பு பெரும்பாலும் முடிவடைந்துவிட்டது. தற்போது இறுதிக்கட்ட பணிகளில் படக்குழு இறங்கியுள்ளது.
இந்நிலையில் சமீபத்தில் 'வலிமை' படத்தின் கிளிம்ஸ் வீடியோ வெளியானது. வீடியோவில் அஜித் ஸ்டைலாக மாஸ் லுக்கில் காணப்பட்டார். மேலும் வீடியோவில் அஜித் பேசிய கேம் ஆரமிச்சு ரொம்ப நேரம் ஆச்சு தம்பி போன்ற வசனங்கள் சமூக வலைதளங்களை ஆக்கிரமித்தன.