பிரபல பாலிவுட் நடிகர் அஜய் தேவ்கன் நடிப்பில் சென்ற ஆண்டு வெளிவந்து திரையரங்குகளில் வெற்றிகரமாக ஓடிய திரைப்படம், ’தே தே ப்யார் தே’. ரொமான்டிக் காமெடி வகையைச் சேர்ந்த இந்தப் படம் வெளிவந்து ஒரு வருடம் முடிந்துள்ள நிலையில், இப்படம் குறித்த நினைவுகளை, இன்ஸ்டாகிராம் பக்கத்தில் அஜய் தேவ்கன் பகிர்ந்துள்ளார்.
51 வயது நிரம்பிய அஜய், படத்தின் நடிகைகள் தபூ, ரகுல் பிரீத் சிங் ஆகியோரை டேக் செய்து மகிழ்ச்சித் தெரிவித்துள்ளார்.
”வழக்கத்திற்கு மாறான காதல் உறவு குறித்து, அனைவரும் ஏற்றுக் கொள்ளும்படி பேசிய இந்தத் திரைப்படம், குடும்பத்திற்கே என்றைக்கும் முதலிடம் என்பதையும் உணர்த்தியது” எனக் குறிப்பிட்டு படம் குறித்து அஜய் பதிவிட்டுள்ளார்.