தமிழில் அம்புலி, மாயை, விலாசம் உள்ளிட்ட பல படங்களில் முக்கியக் கதாபாத்திரத்தில் நடித்தவர் சனம் ஷெட்டி. இவர் தமிழ் மட்டுமல்லாது மலையாளத்திலும் நடித்துள்ளார். மேலும் கமல் ஹாசன் தொகுத்து வழங்கும் பிக்பாஸ் நிகழ்ச்சியில் பங்கேற்றதன் மூலம் தமிழ் ரசிகர்களிடையே சனம் ஷெட்டிமிகவும் பிரபலமானார்.
இந்நிலையில், தனது வாட்ஸ் -ஆப், இன்ஸ்டாகிராம் போன்ற சமூகவலைதளப் பக்கங்களில் அடையாளம் தெரியாத நபர்கள் ஆபாசக் குறுச்செய்திகள், படங்கள் அனுப்புவதாக அடையாறு சைபர் கிரைம் காவல் துறையினரிடம் சனம் புகார் அளித்துள்ளார். ஆபாசக் குறுஞ்செய்திகள் வந்த வாட்ஸ்-ஆப் எண்ணையும், இன்ஸ்டாகிராம் பக்கத்தையும், இதர ஆதாரங்களையும் அவர் காவல் துறையினரிடம் வழங்கினார்.